महाराष्ट्र सदनात उपराष्ट्रपतींच्या हस्ते गणरायाचे पूजन

महाराष्ट्र सदनात उपराष्ट्रपतींच्या हस्ते गणरायाचे पूजन नवी दिल्ली : ढोल-ताशांचा निनाद, ‘गणपती बाप्पा मोरया’चा जयघोष आणि भक्तिभावाने भारलेले वातावरण अशा मंगलमय वातावरणात महाराष्ट्र सदनात गणरायाचे पूजन करण्यात आले. महाराष्ट्राच्या सांस्कृतिक परंपरेचे दर्शन घडविणारी ही गणेशोत्सवाची सुरुवात महाराष्ट्र सदनात उत्साहात झाली. महाराष्ट्र सदन सार्वजनिक गणेशोत्सव समितीच्या वतीने गणरायाची प्रतिष्ठापना करण्यात आली. उपराष्ट्रपती सी. पी. राधाकृष्णन यांच्या हस्ते गणरायाचे पूजन आणि आरती करण्यात आली. यावेळी महाराष्ट्राचे राज्यपाल भगतसिंह कोश्यारी, भारतातील मॉरिशसचे उच्चायुक्त शिवशंकर राम, अपर मुख्य सचिव, कौशल्य विकास, रोजगार व नाविन्यता विभाग मनिषा वर्मा, महाराष्ट्र सदनाचे निवासी आयुक्त तसेच समितीचे पदाधिकारी व कर्मचारी मोठ्या संख्येने उपस्थित होते. छायाचित्र : दिल्लीतील महाराष्ट्र सदन सार्वजनिक गणेशोत्सव समितीच्या वतीने गणरायाची प्रतिष्ठापना करण्यात आली. उपराष्ट्रपती सी. पी. राधाकृष्णन यांच्या हस्ते गणरायाचे पूजन आणि आरती करण्यात आली.