संजय क्षत्रिय यांचा छंद; ३० वर्षांत साकारल्या ५० हजार मूर्ती गणेशाच्या १०० हून अधिक रूपांचा संग्रह; ५१ हजार मूर्तींचा संकल्प

गणपतीची मूर्ती मोठी बनवण्याची स्पर्धा सुरू असताना सिन्नरच्या एका कलाकाराने मात्र आपल्या कलेतून इंचाइंचाचा आकार देत तब्बल ५० हजार मूर्तींचा संग्रह उभा केला आहे. संजय क्षत्रिय यांनी तब्बल ३० वर्षांच्या मेहनतीत हा अनोखा संग्रह साकारला आहे. क्षत्रिय यांनी शाडू माती आणि विविध माध्यमांतून सूक्ष्म गणेशमूर्ती साकारल्या आहेत. पत्नी वंदना आणि मुलगी पूजा, अक्षदा यांच्या सहकार्याने त्यांनी हा संग्रह उभा केला. सुरुवातीला व्हाईटिंग पावडर व चिकणमातीपासून तीन इंचांच्या सुमारे एक हजार मूर्ती तयार केल्या. त्यानंतर त्यांचा उत्साह वाढत गेला. पाच इंचांपासून तीन इंचांपेक्षाही लहान आकाराच्या मूर्तींमध्ये त्रिमुखी, पंचमुखी, नवग्रह गणपती, सप्तगिरीतील बाप्पा यांसह विविध रूपे साकारण्यात आली आहेत. त्यांच्या संग्रहात गणेशाच्या १०० हून अधिक रूपांचा समावेश आहे. याशिवाय ५१ लहान हत्तींचा संग्रह आणि दहा हत्तींची दहीहंडीही त्यांनी साकारली आहे. काड्या, कापूस, साबुदाण्यापासून मंदिरांची निर्मिती संजय क्षत्रिय यांनी विविध मंदिरांच्या सूक्ष्म प्रतिकृतीही तयार केल्या आहेत. एका लाख काड्यांपासून सिद्धिविनायक मंदिर, ३७ किलो कापसापासून अक्षरधाम, २५ किलो साबुदाणा व फेविकॉलपासून ताजमहाल, दोन लाख सुपारींपासून सूर्य मंदिर आणि खडूपासून अयोध्येतील राम मंदिर त्यांनी साकारले आहे. ३३ हजारांवरून ५० हजारांचा टप्पा २०२१ मध्ये ३३ हजार असलेला मूर्तींचा संग्रह आता ५० हजारांवर पोहोचला आहे. आईसब्रीमच्या काड्यांपासून तयार केलेल्या फ्रेममध्ये मूर्ती आकर्षक पद्धतीने मांडण्यात आल्या आहेत. या संग्रहात महाराष्ट्रातील नागरिक तसेच ए.पी.जे. अब्दुल कलाम, प्रतिभाताई पाटील, प्रणव मुखर्जी आणि अमिताभ बच्चन यांनी घेतलेली छायाचित्रेही असल्याचे वृत्तात नमूद करण्यात आले आहे. कुटुंबाची साथ २०२१ मध्ये ३३ हजार असलेल्या मूर्तींच्या संग्रहासाठी उत्सव मंडळात उत्कृष्ट कुंटुंब पुरस्कार देण्यात आला होता. शाडू माती पर्यावरणपूरक असल्याने मूर्तीसाठी तिचाच वापर करण्यावर संजय क्षत्रिय भर देतात. — संजय क्षत्रिय, सूक्ष्म मूर्तिकार, सिन्नर